Yeah. Kel Amrûn, die sind jetzt scho drü mal bi euis xii. Und uhuere abgange.
Ja – und ihne häds au meega guet bi euis gfalle, die händ immer mal wieder gfräged.
D’ Fraag isch eifach xii, öb mir die scho wider chönnd näh, will mer aber immer chli Abschtand wännd und si gliichziitig ja aber au eifach hueregeil fäged – und dänn hämmer aber feschtgschtellt, dass das scho es Ziitli här isch.
Das isch euis eifach vorcho, wie wänns erscht grad xii wär.
Powerfolk.
Geili Schtilbezeichnig.
Medievalmysticfolk.
Dudelsackgetöse und härti Trummle.
Öppis zum die Schnitzel so richtig in Bode zschtampfe.
Heisst Kel Amrûm au öppis?
Hmmmm. So tüüfgründige Gedanke hämmer euis na nie gmacht.
